Y bugail syʼn gofalu am ei bobl

Salm Dafydd.

1Yr ARGLWYDD ydy fy mugail i;

mae gen i bopeth dw i angen.

2Maeʼn mynd â fi i orwedd mewn porfa hyfryd,

ac yn fy arwain at ddŵr glân syʼn llifoʼn dawel.

3Maeʼn rhoi bywyd newydd i mi,

ac yn dangos i miʼr ffordd iawn i fynd.

Ydy, mae eʼn enwog am ei ofal.

4Hyd yn oed mewn ceunant tywyll dychrynllyd,

fydd gen i ddim ofn, am dy fod ti gyda mi.

Mae dy ffon a dy bastwn yn fy amddiffyn i.

5Rwyt tiʼn paratoi gwledd i mi

ac mae fy ngelynion yn gorfod gwylio.

Rwyt tiʼn tywallt olew ar fy mhen.

Mae gen i fwy na digon!

6Bydd dy ddaioni a dy ofal ffyddlon

gyda mi weddill fy mywyd.

A byddaf yn byw eto yn nhŷʼr ARGLWYDD

am byth.