Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, paratoa fi i dderbyn dy air. Cliria fy meddwl a chynhesa fy nghalon. Sicrha fi o’th fwriadau cariadus ar fy nghyfer, a siarad â mi heddiw.
Dylid darllen dechrau Pregethwr 6 gan ystyried Pregethwr 5. Yn adnodau 18–20 o bennod 5, mae’r awdur yn siarad am rywun sydd â chyfoeth, bwyd a gwaith, gyda’r gallu i fwynhau’r pethau hyn gan eu bod yn rhodd gan Dduw. Mewn cyferbyniad, ym mhennod 6 gwelwn fod rhywun sydd â'r pethau hyn ond nad oes ganddo'r gallu i'w mwynhau.
Y gwahaniaeth allweddol ym mhob un o'r sefyllfaoedd hyn yw gallu'r unigolyn i fod yn fodlon â'r hyn sydd ganddo. I rai, hyd yn oed pan fydd ganddynt ddigonedd o fwyd, cyfoeth, bywyd hir a llawer o blant, ni allant fwynhau’r pethau hyn oherwydd ‘Mae pawb yn gweithio'n galed i gael bwyd i'w fwyta, ond dydy'r stumog byth yn fodlon’ (adnod 7) ac maent yn dal i fod eisiau mwy. Mae'r awdur unwaith eto yn gweld hyn fel rhan o wagedd neu ddiystyrwch bywyd heb Dduw, oherwydd ni waeth faint sydd gennym ni, gall trachwant ein harwain i fod eisiau mwy bob amser ac felly heb heddwch. Gallwn gymharu hyn â Philipiaid 4.11–13 lle mae ‘cyfrinach bodlonrwydd’ yn rhywbeth y mae’r apostol Paul yn ei enghreifftio, trwy fod yn fodlon gyda bwyd neu ddim neu eiddo. Iddo ef, daw bodlonrwydd gan 'Grist sy'n rhoi nerth iddo', ac mae awdur Pregethwr hefyd yn awgrymu y gallwn ddod o hyd i foddhad trwy dderbyn mai rhoddion Duw yw ein heiddo a'n cyfoeth yn hytrach na rhywbeth y mae angen inni frwydro drosto.
Annwyl Arglwydd, diolch i ti am bopeth rwyt ti wedi'i roi i mi. Helpa fi i reoli fy awydd am fwy o'r hyn sydd gen i eisoes, gan wybod bod fy holl ddyheadau ac anghenion yn dy ddwylo chi.
Ysgrifennwyd y myfyrdod hwn gan Hannah Stevens sy’n rhan o dîm cyhoeddi Cymdeithas y Beibl.
Read the Bible 
Processing...