Fy Meibl

Rhesymau i gredu ym mhŵer y Beibl

'Rwy'n gweithio mewn ward feddygol lem mewn ysbyty yn yr Alban. Fel rheol rydyn ni'n brysur iawn. Rydym wedi cael rhai achosion Covid. Rydym hefyd wedi cael rhai cleifion sy'n eithaf gwael. Rydyn ni wedi cael cleifion, cleifion oedrannus, sy'n marw. Mae gennym gred gref am bresenoldeb perthnasau pan fydd pobl yn marw, ond ni chaniateir hynny. Rydyn ni wedi bod yn defnyddio cyfryngau cymdeithasol fel bod perthnasau yn gallu eu gweld. Ond mae wedi bod yn eithaf anodd.

Rwy'n gweithio llawer gyda gofal lliniarol ac mae gen i farn gref ar yr hyn mae pobl yn ei gofio. Maen nhw'n cofio beth oedd yn eu cynhyrfu. Fel nyrs, rwy’n ceisio sicrhau bod y manylion bychain yn eu lle i bobl, ac mae hynny wedi bod yn anodd.

Flynyddoedd lawer yn ôl, collais blentyn. Mae'r ysgrythurau a ddaeth ataf bryd hynny - Salm 91 a Salm 31 - wedi golygu mwy fyth i mi nawr. Yn Salm 31, mae yna linell sy’n dweud, ‘Dw i'n dy ddwylo di’. Mae hynny'n crynhoi, ar hyn o bryd, fy sefyllfa i. Rwy'n gwybod bod Duw yn gofalu amdanaf yn fanwl, ac felly mae'n rhaid i mi orffwys yn ei obaith. Does dim rhaid i mi ofni.

Mae tawelwch meddwl yn rhan fawr o nyrsio. Rhaid i'ch agwedd gael ei thymheru â sicrwydd dwfn, ac ymdeimlad dwfn eich bod chi yno iddyn nhw. Dyna'r grefft o nyrsio, tosturi. Mae yna lawer o ofn yn y byd ar hyn o bryd, ond dwi'n gwybod, trwyddo Ef, nid oes angen i mi fod ag ofn'.

Oes gennych chi stori i rannu? E-bostiwch [email protected]