Yr ARGLWYDD syʼn gofalu amdanat

Cân yr orymdaith.

1Dw iʼn edrych i fyny iʼr mynyddoedd.

O ble daw help i mi?

2Daw help oddi wrth yr ARGLWYDD,

yr Un wnaeth greuʼr nefoedd aʼr ddaear.

3Fydd e ddim yn gadael i dy droed lithro;

dydyʼr Un syʼn gofalu amdanat ddim yn cysgu.

4Wrth gwrs! Dydyʼr un syʼn gofalu am Israel

ddim yn gorffwys na chysgu!

5Yr ARGLWYDD syʼn gofalu amdanat ti;

maeʼr ARGLWYDD wrth dy ochr di

yn dy amddiffyn di.

6Fydd yr haul ddim yn dy lethu di ganol dydd,

naʼr lleuad yn effeithio arnat ti yn y nos.

7Bydd yr ARGLWYDD yn dy amddiffyn rhag pob perygl;

bydd yn dy gadw diʼn fyw.

8Bydd yr ARGLWYDD yn dy gadw diʼn saff

ble bynnag ei di,

o hyn allan ac am byth.