Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, paratoa fi i dderbyn dy air. Cliria fy meddwl a chynhesa fy nghalon. Sicrha fi o’th fwriadau cariadus ar fy nghyfer, a siarad â mi heddiw.
Ar y pwynt hwn yn Efengyl Ioan, mae Iesu yn wynebu g wrthwynebiad mawr gan 'yr Iddewon', fel y dywed rhai cyfieithiadau - yr arweinwyr Iddewig mewn gwirionedd, a oedd dan fygythiad ac yn poeni oherwydd ei neges chwyldroadol, ac mae cyfieithiadau modern yn tueddu i wneud hyn yn glir. Nid yw pawb yn cytuno ar bwy ydyw. Mae rhai yn credu ei fod yn twyllo'r bobl (adnod 12). Mae ei wyrthiau wedi creu argraff arnynt (adnod 21) ac maent yn meddwl tybed beth mae'r awdurdodau yn ei feddwl (adnod 26). Mae rhai yn argyhoeddedig mai ef yw'r Crist (adnod 31). Mae'r darlun yn un o ansicrwydd. Gallwn ddychmygu pobl yn sibrwd wrth ei gilydd, yn dadlau ac yn ceisio penderfynu. Nid oes unrhyw un, yn adroddiad Ioan, yn ddifater tuag at Iesu: maent i gyd yn sylweddoli bod rhywbeth pwysig yn digwydd.
Yn y cyfamser, mae Iesu'n galw ar awdurdod ei Dad, a'i hanfonodd. Mae'n torri trwy'r dryswch a'r petruster gydag apêl i brofi: ‘Os oes syched ar rywun, dylai ddod i yfed ata i’ (adnod 37). Fe allwn ni dreulio llawer o amser yn pendroni dros yr Efengyl, yn ceisio gweithio allan beth yn union rydym yn ei feddwl am bopeth, pwyso a mesur manteision ac anfanteision pob dadl cyn i ni ymrwymo ein hunain - ac efallai’n wastad yn dod o hyd i reswm arall i wneud dim. Yn y diwedd, mae Iesu yn ein gwahodd i ddod i weld a yw wir yn bodloni ein newyn a'n syched ysbrydol.
Duw, diolch i ti am roi'r gallu i mi feddwl, rhesymu a barnu drosof fy hun. Helpa fi i wybod pryd mae'n iawn i ddim ond ymddiried ynot, ac i ymateb i alwad Iesu i ddod ato.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...