Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, agor fy nghlustiau i glywed yr hyn sydd gen ti i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.
A oedd Absalom bob amser yn mynd i droi’n ddrwg, neu ai'r tensiwn gyda’i dad oedd y peth a’i gwthiodd dros yr ymyl? Y naill ffordd neu’r llall, cynlluniodd orchest glasurol, gan gael y bobl ar ei ochr trwy addo iddynt beth bynnag yr oeddent ei eisiau. Yn wahanol i’r mwyafrif o arweinwyr sy’n cael eu diorseddu gan wrthryfeloedd poblogaidd, serch hynny, nid dicter nac ofn sydd yn flaenllaw ym meddwl Dafydd, ond galar (adnod 30). Mae Absalom wedi bradychu cariad ei dad, ac wedi dinistrio popeth roedd ei dad wedi’i adeiladu. Nid oedd rhyfedd i Dafydd wylo.
Ar raddfa lai, mae llawer ohonom yn wynebu trychinebau personol tebyg ar ryw adeg yn ein bywydau. Rydym yn profi chwalu ein gobeithion a’n breuddwydio. Weithiau, fel y gwnaeth i Dafydd, mae hyn yn taro fel mellten o wybren ddigwmwl; dim ond yn ddiweddarach y gallwn weld beth sydd wedi arwain ato a beth y gallem fod wedi’i wneud yn wahanol. Weithiau rydym wedi cael ein dinistrio gan rywbeth sydd y tu hwnt i’n rheolaeth.
Mae ymateb Dafydd yn drawiadol, serch hynny. Nid yw mor golledig mewn galar nes iddo fethu a gofalu am eraill (adnod 20). Mae’n ymostwng i ewyllys Duw (adnod 25). Mae’n dechrau cynllunio (adnodau 32-35). Nid yw’n cynddeiriogi yn erbyn ffawd nac yn beio pobl eraill.
Pan fyddwn ni’n wynebu colli popeth rydym wedi’i adeiladu, mae’n hawdd ffocysu ar ein hunain. Ond dywed Salm 34, ‘Mae'r ARGLWYDD yn agos at y rhai sydd wedi torri eu calonnau. Mae e'n achub y rhai sydd wedi anobeithio’ (adnod 18). Nid yw Duw eisiau inni gael ein niweidio neu ein dinistrio’n barhaol. Mae eisiau ein hailadeiladu.
Duw, diolch iti am fod gyda mi hyd yn oed pan mae pethau yn anodd ac rwy’n credu fy mod wedi colli popeth. Helpa fi i ymddiried ynot ti i fy ailadeiladu, ac i ddod â fi trwy alar a phoen.
Ysgrifennwyd y myfyrdod hwn gan Mark Woods, Golygydd Cymdeithas y Beibl
Read the Bible 
Processing...