Fy Meibl

Rhesymau i gredu ym mhŵer y Beibl

‘Pan oeddwn yn 16 oed, dywedodd ffrind wrthyf ei fod wedi dod yn Gristion. Fe'n magwyd yn yr eglwys gyda'n gilydd, felly roeddwn i'n meddwl ei fod eisoes yn Gristion. Meddyliais, “Pam fod angen iddo ddod yn Gristion?” Yr wythnos ganlynol cychwynnodd ein gweinidog gyfres ar Effesiaid 2. Fe wnaethon ni edrych ar y gweddnewidiad eithafol hwnnw yn achos   rhywun nad yw mewn perthynas â Duw. Sylweddolais fod hynny'n swnio fel fi, ond bod Duw wedi anfon Iesu, a bod Duw wedi gweithredu trwy Iesu, er mwyn i mi allu dod yn Gristion.

‘Yr adnod allweddol yw adnod pedwar, sy’n dweud, “Ond gan mor gyfoethog yw Duw yn ei drugaredd, a chan fod ei gariad tuag atom mor fawr, fe'n gwnaeth ni, ni oedd yn feirw yn ein camweddau, yn fyw gyda Christ.”

‘Dyna’r bennod yr af ati bennaf. Mae angen arnaf gael fy atgoffa ble rydw i nawr o’i gymharu â ble roeddwn i. Os byddaf yn cwympo oddi wrth gariad Duw, gallaf gael fy atgoffa o'r hyn y mae wedi'i wneud yn fy mywyd.

‘Pan oeddwn yn canlyn fy ngwraig, roedd hi wrth ei bodd â rhaglen o’r enw America’s Next Top Model. Roedd yna bob amser wythnos lle cawsant eu gweddnewid. Dw i bob amser yn meddwl am hynny. Mae'n ymwneud â thrawsnewid. Mae'n lindysyn yn troi'n löyn byw.

‘Sut ydw i wedi cael fy nhrawsnewid? Rwyf wedi fy llenwi â gobaith. Neges obeithiol yw'r efengyl. Mae'n newyddion da. Mae cael Crist ynof yn fy llenwi â gobaith ar gyfer y byd hwn, ar gyfer y ddynoliaeth, bod cariad yn trechu tywyllwch. Mae angen hynny ar y byd.’

Oes gennych chi stori i rannu? E-bostiwch [email protected]