Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, agor fy nghlustiau i glywed yr hyn sydd gen ti i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.
Nid ar y brenin y mae’r farn y mae Duw yn ei addo oherwydd ymddygiad Solomon, ond ar ei fab Rehoboam. Roedd teyrngarwch llwythau gogleddol Israel i dŷ Dafydd wedi bod yn fregus erioed. Ar ôl iddynt fynd i mewn i wlad Canaan ac yn amser y barnwyr, unwyd yr Hebreaid gan grefydd yn hytrach na llywodraeth – roeddent yn ffederasiwn rhydd o lwythau a ymladdodd yn erbyn ei gilydd yn ogystal ag ochr yn ochr â’i gilydd. Nid oedd eu hundod o dan un brenin – Saul, Dafydd ac yn olaf Solomon – i barhau’n hir. Nawr, diolch i anghymhwysedd Rehoboam, roedd hynny drosodd. Wedi byw yng nghysgod ei dad, mae’n ceisio profi ei hun yn ddyn cryf; yn lle hynny mae’n dod â thrychineb ar y deyrnas (adnodau 8-11).
Yn waeth na’r chwalfa wleidyddol, serch hynny, yw’r un ysbrydol. Mae brenin newydd Israel, Jeroboam, yn ofni am ei awdurdod, pe bai Jerwsalem yn parhau i fod yn ganolbwynt ysbrydol i’w bobl, ac yn cyflwyno dau lo euraidd iddynt i addoli (adnod 28), gan ddweud wrthynt mai nhw oedd y ‘duwiau ddaeth â chi allan o wlad yr Aifft’. Efallai bod gweithred dwyllodrus Aaron yn Exodus 32.4 yn dal i gael ei chofio.
Gweithredoedd Jeroboam, yn hytrach na gweithredoedd Rehoboam, a allai fod â mwy i’w ddysgu inni heddiw. Mae proffwydi yn sefyll i fyny i frenhinoedd. Mae brenhinoedd hefyd o dan gyfraith Duw. Pan fydd y wladwriaeth yn ymosod neu’n ceisio rheoli crefydd heddiw, mae hyn oherwydd ei bod yn gwybod nad yw’n holl-bwerus ac yn teimlo dan fygythiad. Mae’n ceisio sefydlu ei lloi euraidd ei hun – cenedlaetholdeb, neu ideoleg, efallai. Ond fel y gwelwn ni, nid yw Duw byth yn cael ei gau allan am hir.
Duw, dysg fi i fod yn ostyngedig ac yn ddoeth; a gad imi gofio bob amser mai ti sydd wedi fy ngharu ac wedi achub, a neb arall.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...