Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, paratoa fi i dderbyn dy air. Cliria fy meddwl a chynhesa fy nghalon. Sicrha fi o’th fwriadau cariadus ar fy nghyfer, a siarad â mi heddiw.
Roedd y dynion - dim ond dau ohonynt erbyn hyn - a oedd wedi ymweld ag Abraham bellach gyda Lot. Roeddent yn wynebu ymosodiad rhywiol, y mae Lot yn ceisio ei osgoi trwy gynnig ei ferched gwyryf yn lle. Roedd y drosedd bosibl yn erbyn y cod lletygarwch hynafol yn cael ei ystyried yn fwy difrifol na threisio ei ferched, rhywbeth rydym yn ei ystyried yn ysgytwol iawn erbyn hyn. Mae ef a'i deulu - heb ei feibion-yng-nghyfraith, brodorion Sodom, a'i wraig, sy'n edrych yn ôl mewn edifeirwch amlwg - yn cael cymorth gan negeswyr Duw i ddianc i Soar, tref fechan sydd felly'n osgoi dinistr dinasoedd eraill y gwastadedd. Daeth dewis Lot o fan gwyn i ben yn druenus, ac nid yw ei dreialon drosodd eto.
Nid yw hwn yn ddarn sy’n codi calon, ond mae'n un sy'n procio'r meddwl yn fawr. Mae sawl thema ynddo. Un yw hyllter pechod, sy'n dinistrio cymunedau ac yn gorfodi pobl dda i sefyllfaoedd amhosibl. Un arall yw barn anochel: er bod llawer o erchyllterau'n mynd yn ddigerydd, mae stori fel hon yn mynegi ffieidd-dra Duw o ddrwg.
Y neges fwyaf sobreiddiol efallai yw weithiau nad oes unrhyw beth y gall credinwyr ei wneud i ddylanwadu ar sefyllfa neu ei gwella. Mae angen i ni gilio i loches, fel Soar - efallai'r meddwl oedd y tu ôl i ddefnyddio'r enw ar gymaint o gapeli Cymru.
Duw, helpa fi i alaru gyda thi am realiti drygioni a drygioni bodau dynol. Cadw fi yn y byd syrthiedig hwn, a helpa fi i'w newid.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...