Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, paratoa fi i dderbyn dy air. Cliria fy meddwl a chynhesa fy nghalon. Sicrha fi o’th fwriadau cariadus ar fy nghyfer, a siarad â mi heddiw.
Os oes unrhyw beth rydych wedi'i sylwi yn stori Abraham, mae'n debygol mai arwyddocâd ei rôl fel tad cenhedloedd mawr, a rôl ei fab Isaac y bydd yr addewid hwn yn dod drwyddo. Nid oes angen i mi ddweud wrthych pa mor ddychrynllyd yw’r digwyddiadau yn yr adnodau heddiw.
Er bod aberthu plant y tu hwnt i’n hamgyffred ni ac mae hi bron yn annealladwy y byddai Abraham hyd yn oed yn ystyried tasg o’r fath (siawns na fyddai’n cwestiynu a yw’n clywed Duw yn iawn ai peidio?), roedd aberthu plant yn ffurf gyffredin o addoliad ymhlith y cenhedloedd cyfagos yn amser Abraham.
Ond yn hyn o beth y mae craidd y stori. Pan mae Duw yn nodi’n glir nad yw am i Abraham aberthu Isaac, datgelir rhywbeth allweddol am ei gymeriad. Nid yw'n dduw sy'n mynnu bod marwolaeth eu plant yn cael ei fodloni. Nid yw Duw yn debyg i'r duwiau eraill.
Ac felly, er ein bod ni'n gweld Abraham yn arddel ffydd anhygoel ac yn ymddiried yn Nuw, rydym yn gweld Duw yn ei dro yn dangos ei gymeriad. Nid prawf sydd yn datgelu calon Abraham yn unig ydyw, ond Duw hefyd.
Weithiau yn eiliadau mwyaf heriol bywyd rydym yn darganfod pwy ydym mewn gwirionedd. Mae ein gweithredoedd, neu ein hymatebion, yn dangos yr hyn sy'n wirioneddol bwysig i ni, pwy yr ydym yn ymddiried ynddynt mewn gwirionedd, a'r hyn yr ydym yn barod i'w wneud ar eu cyfer.
Mae'r eiliadau hyn, hefyd, yn tueddu i gynnig cyfle i weld Duw fel y mae mewn gwirionedd. Pan fyddwn ni'n colli popeth rydym wedi'i adeiladu ac wedi gweithio tuag ato, yn aml iawn rydym agored i ddarganfod Duw mewn ffyrdd newydd.
Duw, helpa fi i glywed yr hyn rwyt wedi ei ofyn gen i a sut i ufuddhau, ac mewn amser, i ddarganfod mwy o dy wir gymeriad.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...