Mae Myfyrdodau Dyddiol Cymdeithas y Beibl yn dilyn cynllun darllen Beibl M'Cheyne, a ddyluniwyd ar gyfer y rhai sydd am ddarllen y Beibl cyfan mewn blwyddyn. Mae pob myfyrdod yn canolbwyntio ar un o'i bedair pennod ddyddiol. Darllenwch rhain yn Gymraeg.
Arglwydd, paratoa fi i dderbyn dy air. Cliria fy meddwl a chynhesa fy nghalon. Sicrha fi o’th fwriadau cariadus ar fy nghyfer, a siarad â mi heddiw.
Yn Genesis 15, mae Duw yn gwneud cyfamod ffurfiol ag Abraham, yn amlwg ar ffurf a fyddai wedi bod yn adnabyddus yn y cyd-destun hynafol hwnnw o'r Dwyrain Canol. Er mor rhyfedd yw'r manylion, mae'r sefyllfa ddynol yn adnabyddus iawn. Mewn oes pan gyfrifwyd arwyddocâd tragwyddol trwy nifer eich disgynyddion, ni all Abraham weld dyfodol oherwydd ei fod yn hen ac yn ddi-blant. Serch hynny, pan ddangosodd Duw sêr y nefoedd iddo ac yn addo y bydd ganddo gynifer o blant, mae Abraham yn ei gredu - ac, meddai'r ysgrifennwr, ‘Credodd Abram yr ARGLWYDD, a chafodd ei dderbyn i berthynas iawn gydag e’.
Mae Paul yn ymdrin â’r syniad hwn yn y Testament Newydd, yn Rhufeiniaid 4.3. Ni chyfiawnhawyd Abraham gerbron Duw oherwydd unrhyw beth a wnaeth mewn gwirionedd, meddai - sy'n golygu glynu at gyfraith enwaediad Iddewig. Y cyfan yr oedd yn rhaid iddo ei wneud oedd credu.
Felly mae'r Testament Newydd yn tynnu ar yr adeg allweddol hon yn yr Hen i gael mewnwelediad radical: nid oes angen arlwyant o ddefodau a gofynion dynol arnom i fynd i berthynas achubol â Duw. Y cyfan sydd angen i ni ei wneud yw credu. Os estynnwn ein llaw at Dduw, fe welwn ei fod yn estyn ei law atom.
Mae symlrwydd y syniad hwnnw, sydd mor ganolog i'r efengyl, yn bwerus ac yn deimladwy. Mae'n ein hatgoffa nad oes raid i ni wneud unrhyw beth i gael ein hachub: mae'r cyfan wedi'i wneud i ni.
Duw, diolch i ti am agosáu atom a derbyn ni fel yr ydym. Helpa fi i ymddiried ynot ti yn unig am fy iachawdwriaeth.
Ysgrifennwyd y myfyrdod hwn gan Mark Woods, Golygydd Cymdeithas y Beibl.
Read the Bible 
Processing...