Y fendith o fod yn ufudd iʼr ARGLWYDD

Cân yr orymdaith.

1Maeʼr un syʼn parchuʼr ARGLWYDD

ac yn gwneud beth mae e eisiau,

wediʼi fendithioʼn fawr.

2Byddiʼn bwyta beth fuost tiʼn

gweithio mor galed iʼw dyfu.

Byddiʼn cael dy fendithio, a byddiʼn llwyddo!

3Bydd dy wraig fel gwinwydden ffrwythlon yn dy dŷ.

Bydd dy feibion o gwmpas dy fwrdd

fel blagur ar goeden olewydd.

4Dyna i ti sut maeʼr dyn syʼn parchuʼr ARGLWYDD

yn cael ei fendithio!

5Boed iʼr ARGLWYDD dy fendithio di o Seion!

Cei weld Jerwsalem yn llwyddo

am weddill dy fywyd,

6A byddiʼn cael byw i weld dy wyrion.

Heddwch i Israel!