LLYFR UN

(Salmau 1–41)

Bendith Duw

1Maeʼr un syʼn gwrthod gwrando ar gyngor pobl ddrwg

wediʼi fendithioʼn fawr;

yr un sydd ddim yn cadw cwmni pechaduriaid,

nac yn eistedd gydaʼr rhai

syʼn gwneud dim byd ond dilorni pobl eraill;

2yr un sydd wrth ei fodd

yn gwneud beth maeʼr ARGLWYDD eisiau,

ac yn myfyrio ar y pethau maeʼn eu dysgu1:2 y pethau maeʼn eu dysgu Hebraeg, Torâ, sef ‘y Gyfraith’, neuʼr cyfarwyddiadau roddodd Duw i Moses. ddydd a nos.

3Bydd fel coeden wediʼi phlannu wrth ffrydiau o ddŵr,

yn dwyn ffrwyth yn ei thymor,

aʼi dail byth yn gwywo.1:3 Jeremeia 17:7,8

Beth bynnag maeʼn ei wneud, bydd yn llwyddo.

4Ond fydd hi ddim felly ar y rhai drwg!

Byddan nhw fel us

yn cael eu chwythu i ffwrdd gan y gwynt.

5Fydd y rhai drwg ddim yn gallu gwrthsefyll y farn.

Fydd pechaduriaid ddim yn cael sefyll

gydaʼr dyrfa o rai cyfiawn.

6Maeʼr ARGLWYDD yn gofalu am y rhai syʼn ei ddilyn,

ond bydd y rhai drwg yn cael eu difa.