Salm a Davydh.

1My a'th wormel, A ARLOEDH, a leun golonn;

a-rag an duwow y kanav gormola.

2My a omblek troha'th tempel sans,

hag a wormel dha hanow, drefenn dha dregeredh ha'th wiryonedh,

rag ty re veurhas dha hanow ha'th lavar

a-ugh pup-tra.

3Y'n jydh may helwis vy ty a worthybis dhymm,

hag ynkressya nerth y'm enev.

4Oll myghternedh an nor a'th wormel, A ARLOEDH,

rag i re glewas lavarow dha anow.

5Hag i a gan a fordhow an ARLOEDH,

rag meur yw golewder an ARLOEDH.

6Rag ughel yw an ARLOEDH, hwath ev a wra vri a'n re isel,

mes a bellder ev a aswonn an re woethus.

7Kyn kerdhav yn mysk anken,

ty a with ow bewnans;

ty a ystynn dha leuv erbynn sorr ow eskerens,

ha'th leuv dhyghow a'm saw.

8An ARLOEDH a gowlwra y vynnas ragov;

dha dregeredh, A ARLOEDH, a dhur bys vykken;

na dhispres oberow dha dhiwleuv.