Y cyfan er gogoniant Duw: Rhufeiniaid 15.1–3 (24 Awst 2020)

Gweddi

Arglwydd, agor fy nghlustiau i glywed yr hyn sydd gennyt i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.

Darllen

1 Samuel 17 Rhufeiniaid 15 Galarnad 2 Salm 33

Myfyrdod Dyddiol: Rhufeiniaid 15

Mae’r rhan hon o Rhufeiniaid 15 yn gorffen gyda bendith (adnod 13). Mae Paul wedi gorffen ei ddadleuon a’i ddysgeidiaeth am Iddewon a Chenhedloedd, ac yn cymeradwyo ei ddarllenwyr i Dduw am eu disgyblaeth. Mae gan Rhufeiniaid enw am fod yn llyfr cymhleth – mae’n gymhleth ond eto yn anghymhleth. Mae’n llawn mewnwelediadau cyfoethog a dysgeidiaeth ddofn, ond mae ei neges sylfaenol yn syml iawn, ac mae wedi’i chrynhoi yn adnod 7: ‘Rhowch glod i Dduw drwy dderbyn eich gilydd, yn union fel gwnaeth y Meseia eich derbyn chi’. Mae Iddewon a Chenhedloedd yn cael eu ‘derbyn’ nid oherwydd eu bod wedi cadw deddfau defodol neu foesol nac yn ddisgynyddion i Abraham, ond oherwydd eu hymateb i alwad Crist. Wrth droed y groes, mae’r ddaear yn wastad. 

Heddiw, rydym yn byw mewn pentref byd eang lle mae’r rhyngrwyd wedi dileu pellter. Gallwn gyfathrebu’n gyflymach ac yn haws nag ar unrhyw adeg mewn hanes. Fodd bynnag, yn hytrach na dod â ni’n agosach at ein gilydd, mae’r gallu hwn hefyd wedi tynnu sylw at ein gwahaniaethau. Rydym yn cael ei rhannu yn ôl hil, rhywedd, gwleidyddiaeth, incwm, dosbarth, crefydd a mwy. Nid yw Paul eisiau gwadu’r gwahaniaethau hyn, ond mae’n dweud wrthym nad yw gwahaniaethau yng ngoleuni Crist yn golygu rhaniadau. Yn y ganrif gyntaf, roedd credinwyr Iddewig ac o’r Cenhedloedd yn ceisio deall beth oedd hyn yn ei olygu. Heddiw mae yna wahanol wahaniaethau, ond mae’r broses yr un peth: mae angen i ni weithio allan sut i dderbyn ein gilydd gan fod Crist wedi ein derbyn, a chyd-fyw yn onest ac yn gariadus er ei fwyn.

Gweddi

Duw, diolch i ti am ddod â mi i dy deulu mawr. Helpa fi i dderbyn eraill fel rwyt ti wedi fy nerbyn i.