Mae ei gariad yn dragwyddol: Salm 136.1–15 (5 Tachwedd 2020)

Gweddi

Arglwydd, agor fy nghlustiau i glywed yr hyn sydd gen ti i’w ddweud wrthyf; agor fy nghalon i garu dy air, ac agor fy meddwl i ddeall dy wirionedd.

Darllen

2 Brenhinoedd 19 Hebreaid 1 Hosea 12 Salm 135-136

Myfyrdod Dyddiol: Salm 136.1–15

Mae Salm 135 a 136 o’r un anian. Mae’r ddwy ohonynt yn cymryd grym Duw a ddangosir yn y greadigaeth fel arwydd o’i gariad parhaus, yn ogystal â’r Exodus a’i gadwedigaeth o’r Israeliaid yn erbyn yr Amoriaid a’r Canaaneaid. Mae yna farddoniaeth hynod bwerus yma: ‘Fe ydy'r unig un sydd wedi gwneud gwyrthiau rhyfeddol. Mae ei haelioni yn ddiddiwedd’ (adnod 4). Mi wnaeth ‘arwain ei bobl drwy'r anialwch. Mae ei haelioni yn ddiddiwedd’ (adnod 16).

Mae’r llinell a gaiff ei hailadrodd, serch hynny, yn arwain at beth odrwydd. Bu Duw ‘daro plant hynaf yr Aifft’ (adnod 10), ‘Fe wnaeth daflu'r Pharo a'i fyddin i'r Môr Coch’ (adnod 15), ac ‘Fe wnaeth daro brenhinoedd cryfion i lawr’ (adnod 17); ym mhob achos, ‘mae ei haelioni yn ddiddiwedd’. Nid y salm hon yn unig sydd â’r patrwm yma; mae gan Salm 135 yr un syniadau (8-12). Mae dinistr Duw o elynion Israel yn arwydd o’i gariad.

Y dyddiau hyn rydym yn iawn i fod ychydig yn annifyr am y syniad hwn. Y tu ôl iddo, serch hynny, mae’r argyhoeddiad bod ymrwymiad Duw i’w bobl yn gyfiawn: mae’n eu caru’n ffyrnig ac yn angerddol. Mae yna ffilm adnabyddus lle nad yw tad merch a herwgipiwyd ar gyfer y fasnach ryw yn stopio ar ddim i’w achub. Mae Taken yn frawychus o dreisgar ond mae cymeriad Liam Neeson yn cael ei sbarduno gan gariad at ei ferch ac ymdeimlad digyfaddawd o gyfiawnder. Nid oes modd ei rwystro.

Nid ydym yn llawenhau ym marwolaethau gelynion. Ond yn y salmau hyn rydym i fod i deimlo’r un ymdeimlad bod Duw drosom er ein gwaethaf. Nid oes dim yn amharu ar ei gariad tuag atom.

Gweddi

Duw, diolch am dy gariad a thrugaredd tuag ataf ac i dy holl bobl. Helpa fi i ymddiried na fyddi di byth yn fy ngollwng.