Read the Bible

¹Rôn i wrth fy modd pan ddwedon nhw wrtho i,

“Gadewch i ni fynd i deml yr ARGLWYDD.”

²Dyma ni’n sefyll y tu mewn i dy giatiau,

O Jerwsalem!

³Mae Jerwsalem yn ddinas wedi’i hadeiladu,

i bobl ddod at ei gilydd ynddi.

⁴Mae’r llwythau’n mynd ar bererindod iddi,

ie, llwythau’r ARGLWYDD.

Mae’n ddyletswydd ar bobl Israel

i roi diolch i’r ARGLWYDD.

⁵Dyma lle mae’r llysoedd barn yn eistedd,

llysoedd barn llywodraeth Dafydd.

⁶Gweddïwch am heddwch i Jerwsalem:

“Boed i’r rhai sy’n dy garu di lwyddo.

⁷Boed heddwch y tu mewn i dy waliau,

a diogelwch o fewn dy gaerau.”

⁸Er mwyn fy mhobl a’m ffrindiau

dw i’n gweddïo am heddwch i ti.

⁹Er mwyn teml yr ARGLWYDD ein Duw,

dw i’n gofyn am lwyddiant i ti.