Read the Bible

¹Bydded Duw yn drugarog wrthym a'n bendithio,

bydded llewyrch ei wyneb arnom,

²er mwyn i'w ffyrdd fod yn wybyddus ar y ddaear,

a'i waredigaeth ymysg yr holl genhedloedd.

³Bydded i'r bobloedd dy foli, O Dduw,

bydded i'r holl bobloedd dy foli di.

⁴Bydded i'r cenhedloedd lawenhau a gorfoleddu,

oherwydd yr wyt ti'n barnu pobloedd yn gywir,

ac yn arwain cenhedloedd ar y ddaear.

⁵Bydded i'r bobloedd dy foli, O Dduw,

bydded i'r holl bobloedd dy foli di.

⁶Rhoes y ddaear ei chnwd;

Duw, ein Duw ni, a'n bendithiodd.

⁷Bendithiodd Duw ni;

bydded holl gyrrau'r ddaear yn ei ofni.