Online Bible

Read the Bible

Version
Book
Chapter

Psalmyn 26

PSALM 26

1Bee uss my vriw, O Hiarn, son ta mee er n’ymmyrkey mee hene gyn loght: ta my varrant neesht er ny ve er y Chiarn, er-y-fa shen cha duittym.

2Feysht mee, O Hiarn, as prow mee: ronsee my veeghyn as my chree.

3Son ta dty chenjallys-ghraihagh kinjagh roish my hooillyn: as nee’m gimmeeaght ayns dty irrinys.

4Cha vel mee er vaghey marish sleih foalsey: chamoo nee’m sheshaght rish y vooinjer volteyragh.

5Ta feoh er ve aym er chymsagh cooidjagh yn drogh ’leih: as cha soie-ym mastey ny mee-chrauee.

6Niee-ym my laueyn ayns ônid, O Hiarn: as myr shen hem gys dty altar;

7Dy voddym fockley magh yn coraa dy wooise: as soilshaghey ooilley dty obbraghyn yindyssagh.

8Hiarn, ta mee er ve graihagh er cooyrtyn dty hie: as ynnyd cabbane-agglish dty ooashley.

9O ny jeigh seose m’annym marish ny peccee: ny my vioys marish y vooinjer folley;

10Ayns ny laueyn oc ta mee-chairys: as ta nyn laue yesh lane dy yiootyn.

11Agh er my hon’s, nee’m gimmeeaght gyn loght: O livrey mee, as bee myghinagh dou.

12Ta my chass shassoo dy kiart: ver-ym moylley da’n Chiarn ayns chaglym-cooidjagh y phobble.