Online Bible

Read the Bible

Version
Book
Chapter

Psalmyn 138

PSALM 138

1Ver-ym booise dhyt, O Hiarn, lesh ooilley my chree: dy jarroo fenish ny ainleyn goym arraneyn-moyllee hood’s.

2Nee’m ooashley ’choyrt kiongoyrt rish dty hiamble casherick, as dt’Ennym y voylley, er coontey dty chenjallys-ghraihagh as dt’ynrickys: son t’ou er ghloyraghey dt’Ennym as dty Ghoo erskyn dy chooilley nhee.

3Tra deïe mee ort, ren oo m’y chlashtyn: as m’annym y choamrey lesh mooarane niart.

4Nee ooilley reeaghyn y thallooin uss y voylley, O Hiarn: son t’ad er chlashtyn goan dty veeal;

5Dy jarroo, gowee ad arraneyn ayns raaidyn y Chiarn: Dy vel gloyr y Chiarn mooar.

6Son ga dy vel y Chiarn ard: ny-yeih t’eh coyrt tastey da’n sleih imlee: agh er son ny mooaralee t’eh jeeaghyn orroo foddey veih.

7Ga dy vel mee shooyl ayns mean seaghyn, ny-yeih nee oo m’y ooraghey: sheeynee oo magh dty laue er eulys my noidyn, as nee dty laue yesh mish y hauail.

8Nee’n Chiarn e chenjallys-ghraihagh y yannoo mie dooys: ta dty vyghin, O Hiarn, farraghtyn son dy bragh; ny jean beg y hoiaghey eisht jeh obbyr dty laueyn hene.