Online Bible

Read the Bible

Version
Book
Chapter

Psalmyn 137

PSALM 137

1Liorish awinyn Vabylon hoie shin sheese as cheayn shin: tra ren shin smooinaghtyn ort’s, O Sion.

2Er son ny claasaghyn ain, hrogh shin ad seose: er ny biljyn ta ayns shen.

3Son adsyn ren shin y leeideil ayns cappeeys, hir ad orrin arrane, as bingys ayns nyn drimshey: Gow-jee dooinyn unnane dy arraneyn Sion.

4Kys oddys mayd arrane y Chiarn y ghoaill: ayns cheer yoarree?

5My yarrood-yms uss O Yerusalem: lhig my laue yesh jarrood e schleï.

6Mannagh gooin-yms ort’s, lhig da my hengey lhiantyn gys druntyn my veeal: dy jarroo mannagh vel mee soiaghey jeh Jerusalem erskyn dy chooilley voggey elley.

7Cooinee er cloan Edom, O Hiarn, ayns laa Yerusalem: kys dooyrt ad, Sheese lesh, sheese lesh, corrym rish y thalloo.

8O inneen Vabylon, kiarit son toyrt-mow: s’maynrey vees y dooinney nee uss y chooilleeney myr t’ou er hirveish shinyn.

9Bannit vees eshyn ghoys dty chloan: as hilgys ad noi ny claghyn.