Online Bible

Read the Bible

Version
Book
Chapter

Psalmyn 128

PSALM 128

1Bannit t’adsyn ooilley ta goaill aggle roish y Chiarn: as ta gimmeeaght ayns e raaidyn.

2Son nee oo gee jeh laboraght dty laueyn: O s’mie t’ou, as s’maynrey vees oo.

3Bee dty ven myr y billey-feeyney messoil, er voallaghyn dty hie;

4Dty chloan goll-rish ny banglaneyn-olive: mygeayrt-y-mysh dty voayrd.

5Cur-my-ner, myr shoh vees y dooinney bannit: ta goaill aggle roish y Chiarn.

6Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea;

7Dy jarroo, dy vaik oo cloan dty chlienney: as shee er Israel.