Online Bible

Read the Bible

Version
Book
Chapter

Psalmyn 127

PSALM 127

1Mannagh vel y Chiarn troggal y thie: ta’n obbyr oc ayns fardail ta dy hroggal eh.

2Mannagh vel y Chiarn freayll yn ard-valley: ta’n arreyder dooisht ayns fardail.

3Cha vel eh agh obbyr caillit dy vel shiu ayns siyr dy irree dy moghey, as cha anmagh goaill fea, as gee yn arran dy imnea: son shen myr t’eh coyrt cadley dauesyn shinney lesh.

4Cur-jee my-ner, cloan as mess y vreïn: t’ad eiraght as gioot ta cheet veih’n Chiarn.

5Myr ta sideyn ayns laue yn dooinney lajer: eer myr shen ta’n chloan aegey.

6S’maynrey yn dooinney ta’n whiver echey lane jeu: cha bee nearey orroo tra t’ad coyrt eddin da nyn noidyn ayns y yiat.