Online Bible

Read the Bible

Version
Book
Chapter

Psalmyn 101

PSALM 101

1Bee m’arrane jeh myghin as briwnys: hood’s, O Hiarn, goym arrane.

2O lhig da tushtey y ve aym: ayns y raad dy chraueeaght.

3Tra nee oo my niartaghey: nee’m gimmeeaght ayns my hie lesh cree ynrick.

4Cha goym drogh chooish erbee ayns laue: ta dwoaie aym er ny peccaghyn dy neu-firrinys: cha jean veg nyn lheid lhiantyn hym.

5Bee cree camlaagagh er n’eiyrt ass m’enish: cha bee ainjys aym rish drogh phersoon.

6Quoi-erbee ta cooyl-chassid e naboo: eshyn nee’m y stroie.

7Quoi-erbee myrgeddin t’echey shilley mooaralagh as cree ard: cha surr-ym eh.

8Ta my hooillyn jeeaghyn orroosyn ta ynrick ’sy cheer: dy vod ad cummal mârym.

9Quoi-erbee ta leeideil bea chrauee: eshyn vees my harvaant.

10Cha jean persoon erbee molteyragh cummal ayns my hie: cha surr-ym breagerey dy ve ayns my hilley.

11Stroie-ym dy leah ooilley’n vee-chrauee ta ’sy cheer: dy voddym ooilley ny drogh-yantee y astyrt ass ard-valley’n Chiarn.