Read the Bible

¹Clyw fy nghri, O Dduw,

a gwrando ar fy ngweddi;

²o eithaf y ddaear yr wyf yn galw arnat,

pan yw fy nghalon ar suddo.

Arwain fi at graig sy'n uwch na mi;

³oherwydd buost ti'n gysgod imi,

yn dŵr cadarn rhag y gelyn.

⁴Gad imi aros yn dy babell am byth,

a llochesu dan gysgod dy adenydd.

⁵Oherwydd clywaist ti, O Dduw, fy addunedau,

a gwnaethost ddymuniad y rhai sy'n ofni dy enw.

⁶Estyn ddyddiau lawer at oes y brenin,

a bydded ei flynyddoedd fel cenedlaethau;

⁷bydded wedi ei orseddu gerbron Duw am byth;

bydded cariad a gwirionedd yn gwylio drosto.

⁸Felly y canmolaf dy enw byth,

a thalu fy addunedau ddydd ar ôl dydd.