Y Salmau 60
I'r Cyfarwyddwr: ar Susan Eduth. Michtam, i hyfforddi. I Ddafydd, pan oedd yn ymladd yn erbyn Aram-naharaim ac Aram-soba, a Joab yn dychwelyd ac yn lladd deuddeng mil o Edom yn Nyffryn yr Halen.
1O Dduw, gwrthodaist ni a'n bylchu;
buost yn ddicllon. Adfer ni!
2Gwnaethost i'r ddaear grynu ac fe'i holltaist;
trwsia ei rhwygiadau, oherwydd y mae'n gwegian.
3Gwnaethost i'th bobl yfed peth chwerw,
a rhoist inni win a'n gwna'n simsan.
4Rhoist faner i'r rhai sy'n dy ofni,
iddynt ffoi ati rhag y bwa.
Notes for verses 1–41 entry
Text notes
Psalms 60:3 Tebygol. Hebraeg, weld. View in passage
Sela
5Er mwyn gwaredu dy anwyliaid,
achub â'th ddeheulaw, ac ateb ni.
6Llefarodd Duw yn ei gysegr,
“Yr wyf yn gorfoleddu wrth rannu Sichem
7a mesur dyffryn Succoth yn rhannau;
eiddof fi yw Gilead a Manasse,
Effraim yw fy helm,
a Jwda yw fy nheyrnwialen;
8Moab yw fy nysgl ymolchi,
ac at Edom y taflaf fy esgid;
ac yn erbyn Philistia y gorfoleddaf.”
9Pwy a'm dwg i'r ddinas gaerog?
Pwy a'm harwain i Edom?
10Onid ti, O Dduw, er iti'n gwrthod,
a pheidio â mynd allan gyda'n byddinoedd?
11Rho inni gymorth rhag y gelyn,
oherwydd ofer yw ymwared dynol.
12Gyda Duw fe wnawn wrhydri;
ef fydd yn sathru ein gelynion.
Notes for verses 9–121 entry
Text notes
Psalms 60:9 Felly Fersiynau. Hebraeg, harweiniodd. View in passage