Read the Bible

¹Cymer fy mhlaid, O Dduw,

ac amddiffyn fy achos

rhag pobl annheyrngar;

gwared fi rhag dynion twyllodrus ac anghyfiawn,

²oherwydd ti, O Dduw, yw fy amddiffyn.

Pam y gwrthodaist fi?

Pam y rhodiaf mewn galar,

wedi fy ngorthrymu gan y gelyn?

³Anfon dy oleuni a'th wirionedd,

bydded iddynt fy arwain,

bydded iddynt fy nwyn i'th fynydd sanctaidd

ac i'th drigfan.

⁴Yna dof at allor Duw,

at Dduw fy llawenydd;

llawenychaf a'th foliannu â'r delyn,

O Dduw, fy Nuw.

⁵Mor ddarostyngedig wyt, fy enaid,

ac mor gythryblus o'm mewn!

Disgwyliaf wrth Dduw; oherwydd eto moliannaf ef,

fy Ngwaredydd a'm Duw.