Read the Bible

¹Dyma genedlaethau meibion Noa, sef Sem, Cham a Jaffeth. Ganwyd iddynt feibion wedi'r dilyw. ²Meibion Jaffeth oedd Gomer, Magog, Madai, Jafan, Tubal, Mesech, a Tiras. ³Meibion Gomer: Ascenas, Riffath, a Togarma. ⁴Meibion Jafan: Elisa, Tarsis, Cittim, a Dodanim; ⁵o'r rhain yr ymrannodd pobl yr ynysoedd. Dyna feibion Jaffeth yn eu gwledydd, pob un yn ôl ei iaith a'i lwyth, ac yn eu cenhedloedd.

⁶Meibion Cham oedd Cus, Misraim, Put, a Canaan. ⁷Meibion Cus: Seba, Hafila, Sabta, Raama, a Sabteca. Meibion Raama: Seba a Dedan. ⁸Cus oedd tad Nimrod; hwn oedd y cyntaf o gedyrn y ddaear. ⁹Yr oedd yn heliwr cryf gerbron yr ARGLWYDD; dyna pam y dywedir, “Fel Nimrod, yn heliwr cryf gerbron yr ARGLWYDD.” ¹⁰Dechreuodd ei frenhiniaeth gyda Babel, Erech, Accad a Calne yng ngwlad Sinar. ¹¹Aeth allan o'r wlad honno i Asyria ac adeiladu Ninefe, Rehoboth-ir, Cala, ¹²a Resen, dinas fawr rhwng Ninefe a Cala. ¹³Yr oedd Misraim yn dad i Ludim, Anamim, Lehabim, Nafftwhim, ¹⁴Pathrusim, Casluhim a Cafftorim, y daeth y Philistiaid ohonynt.

¹⁵Canaan oedd tad Sidon, ei gyntafanedig, a Heth; ¹⁶hefyd y Jebusiaid, Amoriaid, Girgasiaid, ¹⁷Hefiaid, Arciaid, Siniaid, ¹⁸Arfadiaid, Semariaid, a Hamathiaid. Wedi hynny gwasgarwyd teuluoedd y Canaaneaid, ¹⁹ac estyn eu ffin o Sidon i gyfeiriad Gerar, hyd Gasa; ac i gyfeiriad Sodom, Gomorra, Adma, a Seboim, hyd Lesa. ²⁰Dyna feibion Cham, yn ôl eu llwythau a'u hieithoedd, ynghyd â'u gwledydd a'u cenhedloedd.

²¹I Sem hefyd, tad holl feibion Heber, brawd hynaf Jaffeth, ganwyd plant. ²²Meibion Sem oedd Elam, Assur, Arffaxad, Lud, ac Aram. ²³Meibion Aram: Us, Hul, Gether, a Mas. ²⁴Arffaxad oedd tad Sela, a Sela oedd tad Heber. ²⁵I Heber ganwyd dau fab; enw un oedd Peleg, oherwydd yn ei ddyddiau ef rhannwyd y ddaear, a Joctan oedd enw ei frawd. ²⁶Joctan oedd tad Almodad, Saleff, Hasar-mafeth, Jera, ²⁷Hadoram, Usal, Dicla, ²⁸Obal, Abimael, Seba, ²⁹Offir, Hafila, a Jobab; yr oeddent oll yn feibion Joctan. ³⁰Yr oedd eu tir yn ymestyn o Mesa i gyfeiriad Seffar, i fynydd-dir y dwyrain. ³¹Dyna feibion Sem, yn ôl eu llwythau a'u hieithoedd, ynghyd â'u gwledydd a'u cenhedloedd.

³²Dyma lwythau meibion Noa, yn ôl eu hachau, yn eu cenhedloedd; ac o'r rhain yr ymrannodd y cenhedloedd dros y ddaear wedi'r dilyw.