Read the Bible

¹A vreder, yeunes ow holonn ha'm pysadow dhe Dhuw yw rag selwyans dhedha. ²My a dheg dustuni ragdha, i dhe vos diwysyk war-lergh Duw mes nyns yw herwydh godhvos. ³Rag heb godhvos a ewnder Duw, hag ow hwilas sevel aga ewnder aga honan, nyns ens gostyth dhe ewnder Duw. ⁴Rag Krist yw penn an lagha rag ewnder dhe beub a grys.

⁵Rag Moyses a skrif a-dro dhe ewnder an lagha, ‘An den a wra an taklow ma a vew dredha.’ ⁶Mes an ewnder usi a fydh a lever yndella: ‘Na lavar y'th kolonn, “Piw a yskynn y'n nev?” ’ (hemm yw dhe dhri Krist yn-nans) ⁷‘po “Piw a dhiyskynn y'n islonk?” ’ (hemm yw dhe dhri Krist yn-bann a vernans). ⁸Mes pandr'a lever ev?

henn yw, an ger a fydh a bregewthyn. ⁹Rag mar konfessydh yn dha anow Yesu dhe vos Arloedh ha krysi y'th kolonn y hwrug Duw y dhrehevel a'n mernans, y fydhydh selwys. ¹⁰Rag gans kolonn y krysir dhe ewnder ha gans ganow y konfessir dhe selwyans. ¹¹Rag an skryptor a lever, ‘Ny'n jevydh meth neb a grysso ynno.’ ¹²Rag nyns eus dihevelepter ynter an Yedhow ha'n Grek, an keth Arloedh yw dhe oll, a re y rychys dhe oll a elow warnodho. ¹³Rag, ‘Neb a elwo war hanow an Arloedh a vydh selwys.’

¹⁴Fatell yll tus gelwel war nebonan ma na gryssons ynno? Ha fatell yllir krysi dhe nebonan ma na glewas anodho; ha fatell yllir klewes heb pregowther? ¹⁵Ha fatell yllir pregoth mar nyns or dannvenys? Dell yw skrifys, ‘Ass yns i teg treys an re ow tyllo nowodhow da!’ ¹⁶Mes nyns o pubonan gostyth dhe'n aweyl; rag Ysay a lever, ‘A Arloedh, piw a grysis agan derivas?’ ¹⁷Ytho fydh a dheuth a glewes, ha'n klewes dre eryow Krist.

¹⁸Mes my a lever, A wrussons i klewes? Gwrussons yn hwir! Rag

¹⁹Mes y lavarav, A ny gonvedhas Ysrael? Wostalleth Moyses a lever,

²⁰Mes Ysay yw hardh hag a lever,

²¹Mes dhe Ysrael ev a lever, ‘Oll an jydh yth ystynnen ow diwleuv dhe bobel dhiwostyth ha gorth.’