Read the Bible

¹Yma hy sel hi war an menydhyow sans;

²an Arloedh a gar porthow Sion

moy ages oll annedhow Yakob.

³Taklow gloryus a vydh kewsys ahanas,

ty sita Duw. Sela.

⁴My a venek Rahab ha Babylon orth an re a'm aswonn;

a-dro dhe Filistia ha Tyr hag Ethiopia y leverir,

‘Hemma a veu genys ena.’

⁵Hag a-dro dhe Sion y fydh leverys,

‘Hemma ha hemma a veu genys ynni’;

ha'n Ughella y honan a wra hy fastya.

⁶An Arloedh, pan skrif ev kovskrifenn an poblow,

a rekord, ‘Hemma a veu genys ena.’ Sela.

⁷An ganoryon ha'n dhonsyoryon war-barth a lever,

‘Yma oll ow fentynyow ynnos jy.’