Salmow 110
Salm a Davydh.
1An Arloedh a leveris dhe'm Arloedh,
‘Esedh orth ow leuv dhyghow,
erna wrylliv dha eskerens dha skavell-droes.’
2An Arloedh a dhyllo gwelenn dha nerth
yn-mes a Sion.
Rewl ty yn mysk dha eskerens.
3Yma genes mestrynses
yn jydh dha nerth,
yn splannderyow sansoleth.
Dhiworth brys an bora
y fydh genes gluth dha yowynkneth.
4An Arloedh re dos, ha ny dhenagh,
‘Ty yw oferyas bynitha war-lergh ordyr Melkisedek.’
Notes for verses 2–41 entry
Text notes
Psalms 110:3 Yma genes mestrynses: Ow siwya an Septuagint. Ebrow Dha bobel a vydh offrynnow bolonjedhek. View in passage
5An Arloedh orth dha leuv dhyghow
a vrew myghternedh yn jydh y sorr.
6Ev a vreus yn mysk an kenedhlow;
ev a's lenow a gorfow marow,
ha brewi kregyn
yn lies bro.
7Eva a wra mes a'n gover ryb an fordh;
rakhenna ev a dhrehav y benn.