Mika 5
1Lemmyn kuntell dha vagasow a soudoryon, ty vyrgh a vagasow;
omsettya a-dro dhyn a wrussons;
gans gwelenn y hweskons bogh rewler Ysrael.
Notes for verse 12 entries
Text notes
Micah 5:1 Styr an Ebrow yw ankler. Martesen Lemmyn omhakk, ty vyrgh kes a-dhedro gans bagas. View in passage
Micah 5:1 5:1 bys 5:15 yw niverys 4:14 bys 5:14 y'n tekst ebrow hag y'n Septuagint ha'n Vulgat. View in passage
Messia dhiworth Bethlehem Ambosys
2Ha ty, Bethlehem Efratha,
byghan kynth os yn mysk teyluyow Yuda,
yn-mes ahanas y teu dhymm
nebonan a vydh rewler yn Ysrael,
may feu y dhalleth a'n termyn koth,
a dhydhyow pell tremenys.
3Rakhenna ev a vynn aga forsakya,
bys pan wra an venyn yn lavur dineythi;
ena remenant y vreder a dhehwel dhe vebyon Ysrael.
4Hag ev a sev, ha bugelya yn nerth an Arloedh,
yn braster hanow an Arloedh y Dhuw.
Hag i a drig yn sawder, rag lemmyn ev a vydh meur
bys yn finweth an norvys.
5Ha'n den ma a vydh kres.
Pan dheffo Asshur yn agan tir
ha trettya war agan gweres,
ni a dhrehav er y bynn seyth bugel
hag eth penntern a dus;
6Bugelya a wrons an tir a Assyria dre gledha,
ha'n tir a Nimrod dre gledha noeth;
hag i a'gan delirv dhiworth Asshur
pan dheffo yn agan tir
ha trettya a-berth yn agan or.
Notes for verses 2–61 entry
Text notes
Micah 5:5 ha trettya war agan gweres: Amendys. Ebrow ha trettya yn agan palesyow. View in passage
Ober an Remenant y'n Termyn a Dheu
7Ena remenant Yakob
yn mysk lies pobel,
a vydh avel gluth a'n Arloedh,
avel kowasow war an gwels,
na's teves govenek yn gour na ny wortons mebyon den.
8Ha remenant Yakob yn mysk an kenedhlow
yn mysk lies pobel,
a vydh avel lew yowynk yn mysk bestes an goeswik,
avel lewik yn mysk greow deves;
pan boen ev dresta, ev a wra stankya
ha skwardya, ha nyns eus denvyth dhe dhelivra.
9Dha dhorn a vydh drehevys a-ugh dha eskerens,
ha dha envi oll a vydh distruys.
10Hag y'n jydh na, yn-medh an Arloedh,
my a dregh dha vergh a-dhiworthis
ha shyndya dha jarettow;
11ha my a dregh dhe-ves an sitys a'th tir
ha domhwel oll dha gastylli;
12ha my a vynn defendya pystriow mes a dha dhorn,
ha ty ny' fydh koelyogyon namoy;
13ha my a dregh dhe-ves dha imajys gravys
ha'th peulveyn a-dhiworthis,
ha ny wredh omblegya namoy
a-rag ober dha dhiwdhorn;
14ha my a dhiwreydh dha Asherim a-dhiworthis,
ha diswul dha sitys.
15Hag yn sorr hag yn konnar y talvydhav dial
war an kenedhlow na obayas.