Online Bible

Read the Bible

Version
Book
Chapter

Psalmyn 4

PSALM 4

1Clasht rhym tra ta mee geamagh, O Yee my chairys: t’ou er choyrt feaysley dooys tra va mee ayns seaghyn; jean myghin orrym, as eaisht rish my phadjer.

2O shiuish vec gheiney, caïd nee shiu goltooan my ooashley: as goaill lheid y taitnys ayns coyrleyn fardalagh as geiyrt da breagyn?

3Toig-jee shoh neesht, dy vel y Chiarn er reih da hene yn dooinney ta crauee: tra nee’m geamagh er y Chiarn, nee eh clashtyn rhym.

4Shass-jee ayns aggle, as ny jean-jee peccah: smooinee-jee dy dowin ayns nyn gree hene, as ayns nyn shamyr, as bee-jee ec shee.

5Cheb-jee yn oural dy chairys: as cur-jee nyn dreishteil ayns y Chiarn.

6Shimmey t’ayn ta gra: Quoi yeeaghys dooin veg y vie?

7Hiarn, trog uss seose: soilshey dt’eddin orrin.

8T’ou er choyrt gennallys ayns my chree: er-dyn traa dy ren yn arroo, as y feeyn, as yn ooil ocsyn bishaghey.

9Neem’s lhie sheese ayns shee, as goaill my ea: son she uss Hiarn, dty-lomarcan, ta coyrt orrym baghey ayns sauchys.