Online Bible

Read the Bible

Version
Book
Chapter

Psalmyn 124

PSALM 124

1Er-be dy row yn Chiarn hene er nyn lieh, foddee Israel nish gra: er-be dy row yn Chiarn hene er nyn lieh, tra dirree sleih seose nyn ’oï;

2Veagh ad er nyn sluggey sheese bio: tra v’ad cha eulyssagh ayns corree rooin.

3Veagh ny ushtaghyn, dy feer, er vaih shin: as veagh y thooilley er n’gholl harrish nyn annym.

4Veagh ushtaghyn dowin ny mooaralee: er n’gholl eer harrish nyn anmeenyn.

5Agh moylley dy row gys y Chiarn: nagh vel er livrey shin seose son spooilley da ny feeacklyn oc.

6Ta’n annym ain er scapail, dy jarroo myr ushag ass ribbey yn shelgeyr: ta’n ribbey er ny vrishey, as ta shin er nyn livrey.

7Ta’n cooney ainyn shassoo ayns Ennym y Chiarn: ta er chroo niau as thalloo.