Seffaneia 2
Galwad i droi at Dduw
1Dewch, casglwch at eich gilydd,
y genedl sydd heb gywilydd.
2Dewch cyn i’r cwbl ddod yn wir,
ac i’ch cyfle olaf ddiflannu fel us –
Cyn i’r ARGLWYDD wylltio’n lân gyda chi;
cyn i’w ddydd barn eich dal chi!
3Gofynnwch i’r ARGLWYDD eich helpu,
chi sy’n cael eu cam-drin yn y wlad
ac sy’n ufudd i’w orchmynion.
Gwnewch beth sy’n iawn. Byddwch yn ostyngedig.
Falle y cewch eich cuddio mewn lle saff
ar y diwrnod pan fydd yr ARGLWYDD yn barnu.
Barnu Philistia
4Bydd tref Gasa’n wag ac Ashcelon yn adfeilion.
Bydd pobl Ashdod wedi’u gyrru i ffwrdd cyn canol dydd,
a tref Ecron wedi’i bwrw i lawr.
5Gwae chi sy’n byw ar lan y môr –
bobl Philistia ddaeth o Creta.
Amdanat ti Canaan, wlad y Philistiaid,
mae’r ARGLWYDD wedi dweud yn dy erbyn:
“Bydda i’n dy ddinistrio, a fydd neb ar ôl!”
6Bydd yr arfordir yn dir pori –
dolydd i fugeiliaid a chorlannau defaid.
7Bydd tir y glannau yn eiddo
i’r bobl sydd ar ôl o Jwda;
Nhw fydd yn pori yno
ac yn cysgu’r nos yn nhai Ashcelon.
Bydd yr ARGLWYDD eu Duw yn dod atyn nhw,
a rhoi llwyddiant iddyn nhw eto.
Notes for verses 4–71 entry
Text notes
Zephaniah 2:4 Gasa … Ecron Gasa, Ashcelon, Ashdod, Ecron – pedair o brif drefi’r Philistiaid. Roedd y pumed, sef Gath, eisoes wedi’i dinistrio gan Sargon II, brenin Asyria yn 711 CC. View in passage
Barnu Moab ac Ammon
8“Dw i wedi clywed Moab yn gwawdio
a phobl Ammon yn enllibio –
gwawdio fy mhobl, a bygwth eu ffiniau.
9Felly, mor sicr â’r ffaith mai fi ydy’r Duw byw,”
Notes for verses 8–91 entry
Text notes
Zephaniah 2:8 Moab … Ammon Y bobloedd i’r dwyrain o Jwda, yr ochr draw i afon Iorddonen. Disgynyddion Lot, nai Abraham, yn ôl Genesis 19:30-38. View in passage
–meddai’r ARGLWYDD hollbwerus, Duw Israel.
“Bydd Moab fel Sodom ac Ammon fel Gomorra! –
yn llawn chwyn a phyllau halen,
ac yn dir diffaith am byth.
Bydd y rhai sydd ar ôl o’m pobl yn dwyn eu heiddo,
a’r gweddill o’m gwlad yn cymryd eu tir.”
10Dyna fydd eu tâl am eu balchder,
am wawdio a bygwth pobl yr ARGLWYDD hollbwerus.
11Bydd yr ARGLWYDD yn eu dychryn,
a bydd holl dduwiau’r ddaear yn ddim.
Yna bydd pobl pob cenedl yn addoli’r ARGLWYDD
yn eu gwledydd eu hunain.
Notes for verses 9–111 entry
Cross-references
Zephaniah 2:9 – Genesis 19:23–29
Barnu gogledd-ddwyrain Affrica
12A chi, bobl dwyrain Affrica,
bydd fy nghleddyf yn eich lladd chi.
Notes for verse 122 entries
Text notes
Zephaniah 2:12 dwyrain Affrica Hebraeg, Cwsh, sef yr ardal i’r de o’r Aifft, yn cynnwys rhannau o Swdan ac Ethiopia heddiw. View in passage
Cross-references
Zephaniah 2:12 – Isaiah 18:1–7
Barnu Asyria
13Bydd yr ARGLWYDD yn taro’r gogledd
ac yn dinistrio Asyria.
Bydd dinas Ninefe yn adfeilion;
yn sych fel anialwch diffaith.
14Bydd pob math o anifeiliaid gwyllt
yn gorwedd yn ei chanol.
Bydd tylluanod yn clwydo yn ei hadfeilion,
ac yn hwtian yn y ffenestri.
Bydd rwbel ar bob rhiniog
a’r waliau’n noeth
am fod yr holl waith coed wedi’i rwygo allan.
Notes for verses 13–142 entries
Text notes
Zephaniah 2:13 Ninefe yn adfeilion Prif ddinas Asyria – gw. Jona 1:2; 3:2; 4:11. Cafodd ei choncro gan y Mediaid a’r Babiloniaid yn 612 CC, felly mae’n bosib fod Sechareia wedi byw i weld ei broffwydoliaeth yn dod yn wir. Mae Llyfr Nahum yn dathlu cwymp Ninefe. View in passage
Cross-references
Zephaniah 2:13–15 – Isaiah 10:5–34 ; Isaiah 14:24–27 ; Nahum 1:1–3:19
15Dyna ddaw o’r ddinas llawn miri
oedd yn ofni neb na dim!
Roedd yn meddwl, “Fi ydy’r un! –
Does neb tebyg i mi!”
Ond fydd dim ond adfeilion ar ôl –
lle i anifeiliaid gwyllt gael byw!
Bydd pawb sy’n mynd heibio yn ei gwawdio
a gwneud ystumiau arni.
Notes for verse 151 entry
Cross-references
Zephaniah 2:15 – Isaiah 47:8 ,Isaiah 47:10