Read the Bible

¹ARGLWYDD, pwy sy’n cael aros yn dy babell di?

Pwy sy’n cael byw ar dy fynydd cysegredig?

²Y sawl sy’n byw bywyd di-fai,

yn gwneud beth sy’n iawn,

ac yn dweud y gwir bob amser.

³Dydy e ddim yn defnyddio’i dafod i wneud drwg,

i wneud niwed i neb,

na gwneud hwyl am ben pobl eraill.

⁴Mae’n ffieiddio’r rhai mae Duw’n eu gwrthod,

ond yn anrhydeddu’r rhai sy’n parchu’r ARGLWYDD.

Mae’n cadw ei air hyd yn oed pan mae hynny’n gostus iddo.

⁵Dydy e ddim yn ceisio gwneud elw wrth fenthyg arian,

na derbyn breib i gondemnio’r dieuog.

Fydd yr un sy’n byw felly byth yn cael ei ysgwyd.