Read the Bible

Molwch yr ARGLWYDD o’r nefoedd!

Molwch e o’r uchder.

²Molwch e, ei holl angylion.

Molwch e, ei holl fyddinoedd.

³Molwch e, haul a lleuad.

Molwch e, yr holl sêr.

⁴Molwch e, y nefoedd uchod,

a’r dŵr sydd uwchben y nefoedd.

⁵Boed iddyn nhw foli enw’r ARGLWYDD,

am mai fe orchymynodd iddyn nhw gael eu creu.

⁶Fe roddodd nhw yn eu lle am byth bythoedd,

a gosod trefn fydd byth yn newid.

⁷Molwch yr ARGLWYDD, chi sydd ar y ddaear,

a’r holl forfilod mawr yn y môr dwfn.

⁸Y mellt a’r cenllysg, yr eira a’r niwl,

a’r gwynt stormus sy’n ufudd iddo;

⁹y mynyddoedd a’r bryniau i gyd,

y coed ffrwythau a’r coed cedrwydd;

¹⁰pob anifail gwyllt a dof,

ymlusgiaid ac adar;

¹¹yr holl frenhinoedd a’r gwahanol bobloedd,

yr arweinwyr a’r barnwyr i gyd;

¹²bechgyn a merched

hen ac ifanc gyda’i gilydd.

¹³Boed iddyn nhw foli enw’r ARGLWYDD!

Mae ei enw e’n uwch na’r cwbl;

mae ei ysblander yn gorchuddio’r nefoedd a’r ddaear!

¹⁴Mae wedi rhoi buddugoliaeth i’w bobl,

ac enw da i bawb sydd wedi profi ei gariad ffyddlon,

sef Israel, y bobl sy’n agos ato.