Salm 1
LLYFR UN
(Salmau 1–41)
Bendith Duw
1Mae’r un sy’n gwrthod gwrando ar gyngor pobl ddrwg
wedi’i fendithio’n fawr;
yr un sydd ddim yn cadw cwmni pechaduriaid,
nac yn eistedd gyda’r rhai
sy’n gwneud dim byd ond dilorni pobl eraill;
2yr un sydd wrth ei fodd
yn gwneud beth mae’r ARGLWYDD eisiau,
ac yn myfyrio ar y pethau mae’n eu dysgu ddydd a nos.
3Bydd fel coeden wedi’i phlannu wrth ffrydiau o ddŵr,
yn dwyn ffrwyth yn ei thymor,
a’i dail byth yn gwywo.
Beth bynnag mae’n ei wneud, bydd yn llwyddo.
Notes for verses 1–32 entries
Text notes
Psalms 1:2 y pethau mae’n eu dysgu Hebraeg, Torâ, sef ‘y Gyfraith’, neu’r cyfarwyddiadau roddodd Duw i Moses. View in passage
Cross-references
Psalms 1:3 – Jeremiah 17:7 ,Jeremiah 17:8
4Ond fydd hi ddim felly ar y rhai drwg!
Byddan nhw fel us
yn cael eu chwythu i ffwrdd gan y gwynt.
5Fydd y rhai drwg ddim yn gallu gwrthsefyll y farn.
Fydd pechaduriaid ddim yn cael sefyll
gyda’r dyrfa o rai cyfiawn.
6Mae’r ARGLWYDD yn gofalu am y rhai sy’n ei ddilyn,
ond bydd y rhai drwg yn cael eu difa.