Read the Bible

¹Dyma restr o benaethiaid teuluoedd Israel oedd yn gapteiniaid yn y fyddin (ar unedau o fil ac o gant), a’r swyddogion oedd yn gwasanaethu’r brenin mewn gwahanol ffyrdd. Roedd pob adran yn gwasanaethu am un mis y flwyddyn, ac roedd 24,000 o ddynion ym mhob adran.

²Mis 1 – Iashofam fab Safdiel a’i adran o 24,000. ³(Roedd yn un o ddisgynyddion Perets ac yn bennaeth ar swyddogion y fyddin i gyd yn y mis cyntaf.)

⁴Mis 2 – Dodai, un o ddisgynyddion Achoach (gyda Micloth yn gapten) a’i adran o 24,000.

⁵Mis 3 – Y trydydd arweinydd oedd Benaia, mab Jehoiada’r offeiriad, a’i adran o 24,000. ⁶(Dyma’r Benaia oedd yn arwain y tri deg milwr dewr. Ei fab Amisafad oedd capten yr adran.)

⁷Mis 4 – Asahel, brawd Joab (Sebadeia ei fab wnaeth ei olynu), a’i adran o 24,000.

⁸Mis 5 – Shamhwth o glan Israch a’i adran o 24,000.

⁹Mis 6 – Ira fab Iccesh o Tecoa, a’i adran o 24,000.

¹⁰Mis 7 – Chelets o Pelon, un o ddisgynyddion Effraim, a’i adran o 24,000.

¹¹Mis 8 – Sibechai o Chwsha, oedd yn perthyn i glan Serach, a’i adran o 24,000.

¹²Mis 9 – Abieser o Anathoth, un o ddisgynyddion Benjamin, a’i adran o 24,000.

¹³Mis 10 – Maharai o Netoffa, oedd yn perthyn i glan Serach, a’i adran o 24,000.

¹⁴Mis 11 – Benaia o Pirathon, un o ddisgynyddion Effraim, a’i adran o 24,000.

¹⁵Mis 12 – Cheldai o Netoffa, un o ddisgynyddion Othniel, a’i adran o 24,000.

^16-22Y swyddogion oedd yn arwain llwythau Israel:

Y rhain oedd yn arwain llwythau Israel.

²³Wnaeth Dafydd ddim cyfrif y bechgyn dan ugain oed. Roedd yr ARGLWYDD wedi addo gwneud pobl Israel mor niferus a’r sêr yn yr awyr. ²⁴Roedd Joab fab Serwia wedi dechrau cyfrif y dynion, ond wnaeth e ddim gorffen. Roedd Duw yn ddig gydag Israel am y peth, felly wnaeth y nifer ddim cael ei gofnodi yn y sgrôl, Hanes y Brenin Dafydd.

²⁵Asmafeth fab Adiel oedd yn gyfrifol am stordai’r brenin;

Jonathan fab Wseia yn gyfrifol am y stordai brenhinol yn y trefi, pentrefi a’r caerau yn Israel;

²⁶Esri fab Celwb yn gyfrifol am y gweithwyr amaethyddol;

²⁷Shimei o Rama yn gyfrifol am y gwinllannoedd;

Sabdi o Sheffam yn gyfrifol am y gwin oedd yn cael ei storio yn y gwinllannoedd;

²⁸Baal-chanan o Geder yn gyfrifol am y coed olewydd a’r coed sycamorwydd ar yr iseldir;

Ioash oedd yn gyfrifol am y stordai i gadw olew olewydd;

²⁹Sitrai o Saron oedd yn gyfrifol am y gwartheg oedd yn pori yn Saron;

Shaffat fab Adlai oedd yn gyfrifol am y gwartheg yn y dyffrynnoedd.

³⁰Ofil yr Ismaeliad yn gyfrifol am y camelod;

Iechdeia o Meronoth yn gyfrifol am yr asennod;

³¹Iasis yr Hagriad yn gyfrifol am y defaid a’r geifr.

Roedd pob un o’r rhain yn swyddogion oedd yn gyfrifol am eiddo y Brenin Dafydd.

³²Roedd Jonathan, ewythr Dafydd, yn strategydd doeth ac yn ysgrifennydd;

Iechiel fab Hachmoni oedd yn gofalu am feibion y brenin;

³³Achitoffel oedd swyddog strategaeth y brenin;

Roedd Chwshai’r Arciad yn ffrind agos i’r brenin.

³⁴Jehoiada fab Benaia ac Abiathar wnaeth olynu Achitoffel.

Joab oedd pennaeth byddin y brenin.