Salmow 84
Dhe vester an keur: war an Gittith. Salm a vebyon Koragh.
1Ass yw karadow dha drigvaow,
A Arloedh an luyow!
2Ow enev yw hirethek, hi a yeun ynwedh
war-lergh klosyow an Arloedh;
ow holonn ha'm kig a arm yn lowen
war an Duw bew.
3An golvan re gavas chi,
ha'n wennel neyth rygdhi hi
may hworro hy ydhnigow,
dha alteryow jy, A Arloedh an luyow,
ow Myghtern ha'm Duw.
4Gwynnvys an re a drig y'th chi;
prest y fydhons orth dha wormel. Sela.
5Gwynnvys an den may 'ma y nerth ynnos jy,
ha'th fordhow yn y golonn.
6Pan dremenons dre nans Baka,
i a'n gwra tyller a fentynyow,
ha'n glaw a-varr a'n kudh gans bennathow.
7Yth ons a nerth dhe nerth;
pubonan a vydh gwelys a-rag Duw yn Sion.
Notes for verses 5–71 entry
Text notes
Psalms 84:5 yn y golonn: Ow siwya an Vulgat. Ebrow yn aga holonn. View in passage
8A Arloedh, Duw an luyow, klew ow fysadow;
goslow, A Dhuw Yakob. Sela.
9Gwel agan skoes, A Dhuw,
ha mir orth fas dha Untys.
10Rag unn jydh y'th klosyow
yw gwell ages mil yn ken le.
Gwell via genev bos porther yn chi ow Duw
ages annedhi tyldow sherewneth.
11Rag an Arloedh Duw yw howl ha skoes;
an Arloedh a re ras ha golewder,
ha ny skon ev a ri dader vytholl
dhe'n re a gerdh yn tivlam.
12A Arloedh an luyow,
gwynnvys an den a worr y fydhyans ynnos jy.