Salmow 70
Dhe vester an keur. Salm a Davydh, rag kovadh.
1A Dhuw, fisten dhe'm selwel;
A Arloedh, deus uskis dhe'm gweres.
2Perthens i meth ha bedhens shyndys,
an re a hwila ow enev;
bedhens i treylys war-dhelergh ha konfondys,
an re a's teves delit a'm pystik.
3Bedhens i treylys war-dhelergh drefenn aga meth,
an re a lever, ‘Aha, Aha.’
4Lowenhes kemmys a'th hwila
ha bedhens i heudhik ynnos jy;
ha seul a gar dha selwyans prest leverens,
‘Bedhes Duw meurhes.’
5Mes boghosek ov vy hag edhommek;
deus uskis dhymmo vy, A Dhuw.
Ty yw ow gwereser ha'm delivrer;
A Arloedh, na wra delatya.