Salmow 58
Dhe vester an keur: Al Tashheth. Miktam a Davydh.
1A leverowgh hwi gwirvreus yn hwir?
A vreusowgh yn ewnder, hwi vebyon den?
2Hwi a wra sherewneth yn agas kolonn;
hwi a dhyllo garowder agas diwleuv y'n nor.
3An debeles yw estrenyon dhiworth an brys;
i a wander yn stray kettell vons dineythys, ow kowleverel.
4Aga venim yw kepar ha venim an sarf;
yth yns i kepar ha'n nader neb a dhege hy skovarn;
5Neb na glew lev an hudoryon
na hwath an pystrier konnyk.
6Torr aga dyns yn aga ganow, A Dhuw;
brew challa an lewyon yowynk, A Arloedh.
7Gwrens i mos dhe-ves i avel dowr prest ow resek;
pan bleg y warak, na vedhes y sethow lymm.
8Teudhens i dhe-ves avel melhwesenn yn unn dremena;
avel flogh genys marow, ma na wellons an howl.
9Kyns agas kalteryow dhe synsi toemmder an spern,
gwres ev aga hemmeres dhe-ves hwath yn few, dell ve gans korwyns.
Notes for verses 6–91 entry
Text notes
Psalms 58:9 : Styr an wers yw ankler; an tekst ebrow yw legrys. View in passage
10An den gwiryon a lowenha pan wel dial;
ev a wolgh y dreys yn goes an tebelwas.
11Ha tus a lever, ‘Yn hwir yma pewas dhe'n den gwiryon;
yn hwir yma Duw a vreus y'n nor.’