Salmow 3
Salm a Davydh, pan fias dhiworth Absalom y vab.
1A Arloedh, fatell yw ow eskerens ynkressys!
Lies yns i neb a sev er ow fynn;
2lies yns i neb a lever a'm enev,
‘Nyns eus gweres ragdho yn Duw.’ Sela.
Notes for verses 1–21 entry
Text notes
Psalms 3:2 Sela: Martesen lavar a venestrouthi, yw dhe styrya drehevel an lev dhe bych ughella, po powes; po ynterlud a venestrouthi; po berrheans yw dhe styrya chanj a'n lev, po da capo. View in passage
3Mes ty, A Arloedh, yw skoes a-dro dhymm,
ow glori, neb a dhrehav ow fenn.
4My a elwis war an Arloedh gans ow lev,
hag ev a worthybis dhymm mes a'y venydh sans. Sela.
5My a wrowedhas ha koska; ha my a dhifunas,
rag an Arloedh a'm skoedh.
6Ny borthav own a dhegow a vilyow a'n bobel,
neb re omsettyas a-derdro er ow fynn.
7Sav, A Arloedh;
salw vy, ow Duw!
Rag ty re weskis oll ow eskerens war an challa;
ty re dorras dyns an debeles.
8Dhe'n Arloedh yma selwyans;
yma dha vennath war dha bobel. Sela.