Salmow 15
Salm a Davydh.
1Arloedh, piw a yll godriga y'th tylda?
Piw a yll triga y'th venydh sans?
2Neb a gerdh heb namm, ha gul ewnder,
ha kewsel gwirder yn y golonn;
3an den nag eus mikenn war y daves,
ha na wra drogober dh'y hynsa,
ha na wodhev sklander erbynn y gentrevek;
4neb a dhispres an podrynn yn y wolok ev,
ha neb a wordh an re a berth own a'n Arloedh;
neb a de ti kyn fo dh'y dhregynn y honan ha ny dreyl dhiworto;
5neb na ros y arghans yn oker,
ha na gemmeras falswober erbynn an den gwiryon.
Neb a wra an taklow ma ny vydh ow trebuchya bynitha.