Read the Bible

¹Marnas an Arloedh a dhrehav an chi,

yn euver y lavur seul a'n drehav.

Marnas an Arloedh a with an sita,

yn euver y hwra an gwithyas goelyas.

²Euver ragowgh hwi yw sevel a-varr,

ha powes helergh,

ow tybri an bara a lavuryow;

rag yndella y re ev hun dh'y garadow.

³Otta, ertach an Arloedh yw mebyon,

frut an brys yw y wober ev.

⁴Avel sethow yn dorn breselyas

yndella yw mebyon yowynkneth.

⁵Gwynnvys an gour re lenwis

y woen-sethow anedha;

ny berthons meth

pan gewsons orth aga eskerens y'n porth.