Salmow 122
Salm gradhow. A Davydh.
1Lowen en vy pan lavarsons dhymm,
‘Gwren ni mos bys yn chi an Arloedh.’
2Agan treys a sev
a-berth y'th porthow, A Yerusalem.
3Yerusalem yw drehevys avel sita
yw kelmys fast war-barth.
4Ha bys dhodho yth yskynn an loethow,
loethow an Arloedh,
dustuni dhe Ysrael,
dhe wodhvos gras dhe hanow an Arloedh.
5Rag ena y feu gorrys tronys breus,
tronys chi Davydh.
6Pysewgh kres a-barth Yerusalem;
re sewenno an re a'th kar.
7Re bo kres a-ji dhe'th fosow,
ha diagha y'th lysyow.
8A-barth ow breder ha'm kowetha my a lever,
‘Bedhes kres ynnos jy.’
9A-barth chi an Arloedh agan Duw,
my a hwila dader dhiso jy.