Salmow 101
Salm a Davydh.
1My a gan a dregeredh ha breus;
dhiso, A Arloedh, y kanav gormola.
2My a omdheg yn fur yn fordh dhivlam.
P'eur fydhydh ow tos dhymm?
My a gerdh gans kolonn lan
a-berth y'm chi.
3Ny worrav travyth anwiw
a-dherag ow dewlagas.
My a gas ober an re a gildenn;
ny len orthiv.
4Kolonn dreus a dhiberth dhiworthiv;
ny vynnav aswonn tebelwas.
5Neb a gabel y gentrevek yn priva
a wrav vy dhe dhistrui.
Neb yw ughel y dhewlagas ha goethus y golonn
ny wrav vy y wodhevel.
6Ow dewlagas a vydh war an re yw len y'n tir,
may trikkons genev;
neb a gerdh yn fordh dhivlam
a vydh ow servont.
7Ny drig y'm chi
neb a wra falsuri;
ny bes y'm golok
neb a lever gowyow.
8Pub myttin my a dhistru
oll tebeles an tir,
ha treghi dhe-ves oll an dhrogoberoryon
dhiworth sita an Arloedh.