Read the Bible

¹23 Pan worfennas Yesu y worhemmynnow dh'y dhewdhek dyskybel, ev a dremenas alena dhe dhyski ha dhe bregoth yn aga sitys. ²Ha pan glewas Yowann yn prison a oberow Krist, ev a dhannvonas dew a'y dhyskyblon ³dhe wovynn orto, ‘Yw ty an den a dal dos po ken onan a waytyn?’ ⁴Yesu a worthybis ha leverel dhedha, ‘Ewgh dhe dherivas dhe Yowann an taklow a glewowgh hag a welowgh; ⁵dellyon a wel arta hag evredhyon a gerdh; klavorogyon yw glanhes, bodharyon a glew, tus varow yw drehevys, dhe voghosogyon an aweyl yw pregewthys; ⁶ha gwynnvys an den na vo sklandrys ynnov vy.’ ⁷Pan ens i yn-kerdh, Yesu a dhallathas kewsel orth an routhow a-dro dhe Yowann, ‘Pandra ethewgh yn-mes dhe'n gwylvos dh'y weles? Korsenn kryghyllys gans an gwyns? ⁸Mes pandra ethewgh yn-mes dh'y weles? Den gwiskys yn dillas medhel? Otta, tus gwiskys yn dillas medhel, yn chiow myghternedh ymons. ⁹Mes pandra ethewgh yn-mes dhe weles? Profoes? Yn surredi, yn-medhav dhywgh, ha moy ages profoes. ¹⁰Hemm yw neb may feu skrifys anodho,

¹¹Yn hwir y lavarav dhywgh: yn mysk an re genys a venynes ny sevis nagonan brassa ages Yowann Besydhyer; byttegyns an lyha yn gwlaskor nev yw brassa agesso ev. ¹²Mes dhiworth dydhyow Yowann Besydhyer bys lemmyn, yma gwlaskor nev ow kodhevel garowder, ha tus a nell a's kemmer gans garowder. ¹³Rag oll an brofoesi ha'n lagha a wrug profoesa bys yn termyn Yowann; ¹⁴ha mar mynnowgh degemmeres hemma, ev yw Elias neb a dal dos. ¹⁵Neb a'n jeves diwskovarn rag klewes, ev klewes.

¹⁶‘Dhe bana dra y hwrav vy hevelebi an henedh ma? Haval yw dhe fleghes esedhys yn marghasvaow, ow karma an eyl dh'y gila ¹⁷ha leverel,

¹⁸Rag Yowann a dheuth heb dybri nag eva, hag yn-medhons, “Ev a'n jeves dyowl”. ¹⁹Mab an den a dheuth ow tybri hag owth eva hag yn-medhons i, “Otta gargasenn ha penn-medhow, koweth tolloryon ha peghadoryon.” Mes furneth yw prevys ewn gans hy oberow.’

²⁰Ena ev a dhallathas keredhi an sitys may feu gwrys ynna i an brassa rann a'y oberow galloesek drefenn na goedhsons yn edrek: ²¹‘Go-jy Korasin! Go-jy Bethsada! Rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu. ²²Mes yn-medhav dhywgh, y fydh moy perthadow rag Tyr ha Sidon dydh breus es dell vydh ragowgh hwi. ²³Ha ty, Kapernaum,

Rag mar pe gwrys yn Sodom an oberow galloesek a veu gwrys ynnos jy, hi a wrussa durya bys y'n jydh hedhyw. ²⁴Byttegyns, y lavarav dhywgh, y fydh moy perthadow rag tir Sodom dydh breus es dell vydh ragos jy.’

²⁵Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow; ²⁶yn surredi, A Das, rag yndella re beu dha vodh. ²⁷Pup-tra oll a veu treusworrys dhymm gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho. ²⁸Dewgh dhymmo vy oll hwi yw skwithys ha beghys poes, ha my a re powes dhywgh. ²⁹Kemmerewgh ow yew warnowgh ha dyskewgh genev, rag klor yth ov hag uvel y'm kolonn, ha hwi a gyv powes dh'agas enev. ³⁰Rag es yw ow yew ha skav yw ow begh.’