Read the Bible

¹Sav, splann; rag dha wolow re dheuth,

ha glori an Arloedh re dhrehevis warnas.

²Rag otta, tewlder a gudh an norvys,

ha tewlder tew an poblow,

mes an Arloedh a dhrehav warnas,

ha'y glori a vydh gwelys warnas.

³Kenedhlow a dheu dhe'th wolow,

ha myghternedh dhe splannder dha howldrevel.

⁴Drehav dha dhewlagas a-derdro ha gwel:

i oll a guntell ha dos dhis;

dha vebyon a dheu a bellder,

ha dha vyrghes war glun aga magoresow.

⁵Ena ty a wel ha splanna;

dha golonn a gren gans joy hag efani,

rag palster an mor a vydh dres dhis,

ha rychys an kenedhlow a dheu dhis.

⁶Bush bras a gowrvergh a'th kudh,

kowrvergh yowynk dhiworth Midyan hag Efa;

i oll a dheu dhiworth Sheba;

owr ha frankynkys a dhegons,

ha disklerya gormola an Arloedh.

⁷Oll flokkys Kedar a vydh kuntellys dhis,

hordhes Nebayoth a'th serv;

i a dheu yn-bann dhe'm alter avel sakrifis kemmeradow,

ha my a dekha chi ow glori.

⁸Piw yw an re ma a nij avel kommol,

hag avel kelemmi dh'aga fenestri?

⁹Rag an ynysow a'm gorta,

gorholyon Tarshish yw an kynsa,

dhe dhri dha vebyon a bellder,

ha'ga owr ha'ga arghans gansa,

rag hanow an Arloedh dha Dhuw,

ha rag Sans Ysrael,

rag ev re'th glorifias.

¹⁰Mebyon estren a dhrehav dha fosow,

ha'ga myghternedh a'th serv;

rag y'm sorr my a'th weskis,

mes y'm favour my re gemmeras truedh ahanas.

¹¹Dha yetys a vydh igerys prest;

dydh ha nos ny vydhons deges,

may fo dres dhis rychys kenedhlow,

ha'ga myghternedh hembrenkys yn keskerdh.

¹²Rag an genedhel ha'n ruvaneth na'th serv a verow;

ha'n kenedhlow na a vydh distruys glan.

¹³Glori Lebanon a dheu dhis,

an meryw, an elow, ha'n kypres war-barth,

dhe dekhe tyller ow sentri;

ha my a lorifi tyller ow threys.

¹⁴Mebyon an re a'th arwaskas

a gerdh dhis ow plegya dhe'n dor,

hag oll myns a'th tespityas

a ombleg dhe'n dor orth godhnow dha dreys;

hag i a'th elow Sita an Arloedh,

Sion a Sans Ysrael.

¹⁵Kyn feus forsakys ha kesys,

heb denvyth ow tremena,

my a'th kwra meuredh bys vykken,

lowena a henedh dhe henedh.

¹⁶Dena leth an kenedhlow ty a wra,

ha dena bronn myghternedh.

Ena ty a woer my, an Arloedh, dhe vos dha Selwyas,

ha'th Tasprenyas, an Galloesek a Yakob.

¹⁷Yn le brons my a dhre owr,

hag yn le horn my a dhre arghans,

brons yn le prenn,

ha horn yn le meyn.

My a sett kres avel dha sentri,

hag ewnder avel dha rewloryon.

¹⁸Freudh ny vydh klewys byth moy y'th tiredh,

na terroes na distruyans y'th oryon,

mes ty a elow dha fosow Selwyans,

ha'th yetys Gormola.

¹⁹Ny vydh an howl golow ragos

byth moy dydhweyth,

na ny vydh golow dhis splannder an loer;

mes an Arloedh a vydh dhis golow bys vykken,

ha dha Dhuw a vydh dha glori.

²⁰Ny sedh dha howl byth moy,

na ny leha dha loer;

ha diwedha a wra dydhyow dha gynvann;

an Arloedh a vydh dhis golow bys vykken,

ha dydhyow dha gynvann a dheu dhe dhiwedh.

²¹Oll dha bobel a vydh gwiryon

hag i a erit an tir bys vykken.

I yw skyllenn a blensis,

ober ow diwla,

dhe dhiskwedhes ow glori.

²²An distyr ahanas a vydh avel mil,

ha'n byghan avel kenedhel grev.

My yw an Arloedh;

yn y dermyn, distowgh my a'n gwra.