Read the Bible

An Arloedh a dheuth dhiworth Sinay,

ha tardha warnedha dhiworth Seir;

ev a splannas dhiworth menydh Paran,

hag ev a dheuth gans degow a vilyow a syns;

ha tan a flammyas dhiworth y leuv dhyghow.

³Sur ev a gar an poblow;

yma oll y syns y'th leuv;

hag i a esedh orth dha dreys,

ow tegemmeres dha eryow.

⁴Moyses a worhemmynnis lagha dhyn,

perghennogeth kuntellyans Yakob.

⁵Ev o myghtern yn Yeshurun

pan omguntellas pennow an bobel,

loethow Ysrael war-barth.

⁶Bewes Rewben ha na verwes,

na'y wer bos boghes.

Klew, Arloedh, lev Yuda,

ha dro ev dh'y bobel.

Gans y dhiwleuv ev a strivyas ragdho y honan.

Bydh gweres erbynn y eskerens.

Bedhes dha Thummim ha'th Urim

gans dha wour sans,

neb a brevsys orth Massa,

ha neb a strivsys ganso orth dowrow Meriba;

⁹neb a leveris dh'y das ha dh'y vamm,

Ny wrugavy y weles;

ha ny wrug vri a'y vreder,

na aswonn y vebyon y honan;

rag i a withas dha lavar,

ha'th kevambos i a synsis.

¹⁰I a dhysk dha vreusow dhe Yakob,

ha'th lagha dhe Ysrael.

I a worr ynkys y'th tewfrik,

hag offrynn kowlleskys war dha alter.

¹¹Bennik, Arloedh, oll y nerth

ha bydh pes da a ober y dhiwla.

Brew diwglun an re a sev er y bynn,

ha'n re a'n kas, ma na saffons arta.

Meurgerys an Arloedh,

ev a drig yn sawder rybdho;

ev a'n goskeus oll an jydh,

ha trigys vydh ynter y dhiwskoedh.

Bennigys gans an Arloedh yw y bow,

gans gluth drudh an ebron,

ha gans an downderyow

ow krowedha a-woeles;

¹⁴gans gwella frut an howl,

ha gans gwella askorr an misyow;

¹⁵gans gwella askorr an menydhyow koth,

ha gans gwella rohow an breow heb diwedh;

¹⁶gans gwella rohow an tir ha'y leunder,

ha'n favour a neb eus trigys y'n bos.

Re dheffo dhe benn Yosep,

war grogen an pryns yn mysk y vreder.

¹⁷Y veuredh yw haval dh'y darow kynsa-genys,

ha'y gern yw kern bual.

Gansa ev a herdh poblow war-barth,

bys pennow an norvys.

Yth yns i an degow a vilyow a Efraym,

Yth yns i an milyow a Manasse.

Lowenha, Zebulun, pan edh yn-mes,

ha ty, Yssakar, y'th tyldow.

¹⁹I a elow poblow dhe'n venydh,

hag ena offrynna sakrifisow ewnder;

rag i dhe dhena war balster an moryow,

ha war an tresoryow kudhys y'n tewes.

Benniges yw neb a ledanha tir Gad;

ev a blatt avel lew,

ev a skward bregh, ha krogen maga ta.

²¹Ev a dhewisas an gwella tir ragdho y honan,

rag an rann apoyntys ena dhe'n rewler;

ev a dheuth gans pennow an bobel,

ev a gowlwrug ewnder an Arloedh,

ha'y vreusow gans Ysrael.

Dan yw kolen lew;

ev a lamm dhiworth Bashan.

A Naftali, gwalghys gans favour,

ha leun a vennath an Arloedh:

erit an howlsedhes ha'n dhyghowbarth.

Asher yw benniges dres an vebyon erell;

bedhes faverys gans y vreder,

ha troghya y droes yn oyl.

²⁵Horn ha brons yw dha ebilyow;

herwydh dha dhydhyow, yndella y fydh dha nerth.

²⁶Nyns eus nagonan avel an Duw a Yeshurun,

usi ow marghogeth dre nev dhe'th weres,

hag yn y veuredh war an kommol.

²⁷Duw heb diwedh yw skovva,

hag a-woeles yma an breghow heb diwedh.

Ev a fes an eskar a-ragos,

hag ev a lever, ‘Distru!’

²⁸Ysrael a drig yn sawder;

y honan oll yw fenten Yakob,

yn tir a ys ha gwin nowydh,

y nevow ynwedh a dhever gluth.

²⁹Gwynn dha vys, Ysrael! Piw yw avelos?

pobel selwys gans an Arloedh,

an skoes a'th weres,

kledha dha veuredh.

Dha eskerens a dheu dhis ow fekla,

ha ty a drett war aga thylleryow ughel.